Суперлиганинг 16-туридан ўрин олган “Локомотив” – “Бунёдкор” (0:0) учрашувидан кейин “темирйўлчилар” устози Денис Коростиченко ўз фикрлари билан ўртоқлашди.
- Ўйин жуда кескин руҳда ўтди. Икки жамоа ҳам турнир жадвалида ўзига ярашмайдиган ўринлардан жой олган. Шу боис бугун “Бунёдкор”га ҳам “Локомотив”га ҳам ғалаба қозониш муҳим эди. Аммо икки жамоа ҳам бунинг уддасидан чиқа олмади. Иккинчи таймда бир киши кўп бўлиб ўйнаганимизга қарамасдан, айтарли вазиятлар ярата олмадик, чунки “Бунёдкор” яхши ҳимояланди ҳамда қарши ҳужумга ўтиб кетишга уринди. Умуман олганда бу режа уларга иш берди. Умумий қилиб айтганда эса, ўйин тенг курашлар остида ўтди.
