Superliganing 16-turidan o‘rin olgan “Lokomotiv” – “Bunyodkor” (0:0) uchrashuvidan keyin “temiryo‘lchilar” ustozi Denis Korostichenko o‘z fikrlari bilan o‘rtoqlashdi.
- O‘yin juda keskin ruhda o‘tdi. Ikki jamoa ham turnir jadvalida o‘ziga yarashmaydigan o‘rinlardan joy olgan. Shu bois bugun “Bunyodkor”ga ham “Lokomotiv”ga ham g‘alaba qozonish muhim edi. Ammo ikki jamoa ham buning uddasidan chiqa olmadi. Ikkinchi taymda bir kishi ko‘p bo‘lib o‘ynaganimizga qaramasdan, aytarli vaziyatlar yarata olmadik, chunki “Bunyodkor” yaxshi himoyalandi hamda qarshi hujumga o‘tib ketishga urindi. Umuman olganda bu reja ularga ish berdi. Umumiy qilib aytganda esa, o‘yin teng kurashlar ostida o‘tdi.
