"Байер"да ўйнаши билан танилган австриялик тажрибали футболчи Юлиан Баумгартлингер фаолиятини Германия чемпионатининг бошқа клубида давом эттиради. 34 ёшли ярим ҳимоячининг трансферини "Аугсбург" амалга оширди. Бу ҳақда клуб матбуот хизмати хабар бермоқда.
Баумгартлингернинг "Аугсбург" билан шартномаси келаси йилнинг ўрталаригача амал қилади.
Эслатиб ўтамиз, ярим ҳимоячи "Байер"да 2016 йилдан буён ўйнаб келмоқда. Ўтган мавсумда Юлиан бор йўғи еттита ўйинда қатнашган ва уларнинг аксариятини тиззасидан олган жароҳати сабаб ўтказиб юборган эди.
"Аугсбург"нинг навбатдаги ўйини 20 август куни бўлиб ўтади. "Майнц" уларга қаршилик қилади.
