"Bayer"da o‘ynashi bilan tanilgan avstriyalik tajribali futbolchi Yulian Baumgartlinger faoliyatini Germaniya chempionatining boshqa klubida davom ettiradi. 34 yoshli yarim himoyachining transferini "Augsburg" amalga oshirdi. Bu haqda klub matbuot xizmati xabar bermoqda.
Baumgartlingerning "Augsburg" bilan shartnomasi kelasi yilning o‘rtalarigacha amal qiladi.
Eslatib o‘tamiz, yarim himoyachi "Bayer"da 2016 yildan buyon o‘ynab kelmoqda. O‘tgan mavsumda Yulian bor yo‘g‘i yettita o‘yinda qatnashgan va ularning aksariyatini tizzasidan olgan jarohati sabab o‘tkazib yuborgan edi.
"Augsburg"ning navbatdagi o‘yini 20 avgust kuni bo‘lib o‘tadi. "Mayns" ularga qarshilik qiladi.
