Серхио Рамос Килиан Мбаппе ва Неймар ўртасидаги зиддиятни ҳал қилишга ёрдам берди.
"Монпелье" билан ўйиндан сўнг (5:2) бразилиялик вингер франциялик футболчининг клубнинг тўлиқ пеналти тепувчисига айланганидан норози бўлиб, вазият ҳақидаги иккита постга "лайк" босганди.
Бундан ташқари, Мбаппе "ПСЖ"дан Неймарни сотишни сўрагани ҳақида маълумот пайдо бўлди.
Аввалроқ, футболчиларнинг Париж клуби директори Луиш Кампуш билан учрашувидан сўнг воқеага барҳам берилгани маълум бўлганди.
Шу билан бирга ҳимоячи Серхио Рамос можаро томонлари ўртасида яна бир воситачи бўлди.
Le Parisen нашрининг ёзишича, 36 ёшли тажрибали футболчи вазиятга аралашиб, муаммони ҳал қилишга ёрдам берган.
