"Барселона" Жерар Пике ва Сержи Бускетс билан маошларни пасайтириш борасидаги музокараларда қийналмоқда.
Каталонияликлар жамоа сардорлари билан маошни камайтириш ёки кечиктириш борасида музокаралар олиб боришган. Бу клубнинг янги ҳимоячиси Жюл Кундени рўйхатдан ўтказиш учун зарур.
Mundo Deportivo хабарига кўра, томонлар келишувга эришишлари жуда қийин бўлади.
Энди "Барселона" Кундени рўйхатдан ўтказишнинг янада реал варианти сардорлар билан келишув эмас, балки ўйинчиларни сотиш деб ҳисобламоқда.
Пике ва Бускетс клубга ёрдам бериш учун аллақачон кўп куч сарфлаганликларига ишонишади.
"Барса" Бускетсга маошини кечиктириш учун шартномани бир ёки икки мавсумга узайтиришни таклиф қилди. Бироқ ярим ҳимоячи 2023 йилда МЛСга ўтишни ўйламоқда, шу боис таклиф унга маъқул келмади.
Пике билан ҳам вазият оғир. У клубга ёрдам беришга тайёр эди, аммо "Барса"дан келажакдаги тўловлар учун кафолат талаб қилди, клуб уни бера олмади.
