"Barselona" Jerar Pike va Serji Buskets bilan maoshlarni pasaytirish borasidagi muzokaralarda qiynalmoqda.
Kataloniyaliklar jamoa sardorlari bilan maoshni kamaytirish yoki kechiktirish borasida muzokaralar olib borishgan. Bu klubning yangi himoyachisi Jyul Kundeni ro‘yxatdan o‘tkazish uchun zarur.
Mundo Deportivo xabariga ko‘ra, tomonlar kelishuvga erishishlari juda qiyin bo‘ladi.
Endi "Barselona" Kundeni ro‘yxatdan o‘tkazishning yanada real varianti sardorlar bilan kelishuv emas, balki o‘yinchilarni sotish deb hisoblamoqda.
Pike va Buskets klubga yordam berish uchun allaqachon ko‘p kuch sarflaganliklariga ishonishadi.
"Barsa" Busketsga maoshini kechiktirish uchun shartnomani bir yoki ikki mavsumga uzaytirishni taklif qildi. Biroq yarim himoyachi 2023 yilda MLSga o‘tishni o‘ylamoqda, shu bois taklif unga ma’qul kelmadi.
Pike bilan ham vaziyat og‘ir. U klubga yordam berishga tayyor edi, ammo "Barsa"dan kelajakdagi to‘lovlar uchun kafolat talab qildi, klub uni bera olmadi.
