Россия терма жамоасининг собиқ бош муррабийи Дик Адвокаатнинг сўзларига кўра, "ПСВ" мамлакат чемпионлиги учун кураш олиб борар экан.
"Бизни катта мавсум кутиб турибди. Жамоамизда яхши ўйинчилар жамланганлиги бизга катта фойда бўлади. Селекция ишлари ҳали давом этмоқда. Ола Тойвонен "ПСВ"да қолишни истаса ўйнаши мумкин. Агар у кетса, ўрнига муносиб номзод топамиз".
"Польшада эканлигимда, "ПСВ" клубининг техник директори Марселе Брандс билан алоқада бўлиб турдим. Шуни ишонч билан айтишим мумкинки, "ПСВ" чемпионлик учун курашади", – дея Адвокаат сўзларидан иқтибос келтиради Algemeen Dagblad.