"Леванте" матбуот хизмати "Челси"нинг бельгиялик собиқ ҳимоячиси Чарли Мусонданинг трансферини эълон қилди.
Футболчи испан клубига текинга борган. Томонлар 2024 йилнинг ёзига қадар шартнома имзолашди. У яна икки йилга узайтирилиши мумкин.
25 ёшли Мусонда 2015 йилдан буён "Челси"да тўп тепиб келаётган эди. У клуб сафида жами еттита ўйинда майдонга тушиб, битта гол урди ва иккита голли узатмани амалга оширди.