"Монако" клуби ўз футболчилари - Кайо Энрике ва Вандерсонлар билан янги шартнома имзолангани ҳақида расман хабар берди. Бразилиялик футболчилар билан тузилган шартномалар 2027 йилнинг ёзигача мўлжалланган.
Вандерсон шу йилнинг январ ойида "монегасклар" сафига қўшилган эди, у "Гремио"дан 11 миллион еврога сотиб олинганди. "Монако" либосида у 26 та учрашув ўтказиб, иккита гол урди ва учта голли узатмани амалга оширди.
Энрике "Монако" клубига 2020 йилнинг ёзида келиб қўшилган эди. У "Атлетико Мадрид"дан саккиз миллионга сотиб олинди. Бразилиялик футболчи "Монако" сафида 87 та ўйинда майдонга тушиб, 2 та гол урган ва 18 та голли узатмага муаллифлик қилган.
