Мадриднинг “Реал” клуби бош мураббийи Карло Анчелотти Каземиро нима учун “Манчестер Юнайтед”га ўтишга қарор қилганини билмаслигини айтди. Олдинроқ италиялик мутахассис бразилиялик футболчининг Эрик тен Хаг жамоасига ўтиш ниятида эканлигини тасдиқлаганди.
"Каземиро нима учун Европа чемпионларини муаммоли жамоага алмаштиришга қарор қилганини билмайман. Бу унинг шахсий қарори, у янги чақирувни хоҳлади", - деди Анчелотти матбуот анжуманида.
Эслатиб ўтамиз, Англия Премьер-лигасининг икки туридан сўнг "Манчестер Юнайтед" турнир жадвалининг охирги ўринида бормоқда. “Қизил иблислар” навбатдаги ўйинни ўз майдонида “Ливерпул”га қарши ўтказади.
