"Челси" бош мураббийи Томас Тухель шартномани узайтириш борасида музокаралар олиб борилаётганини тасдиқлади. Амалдаги келишув 2024 йилнинг ёзига қадар мўлжалланган.
"Музокаралар олиб борилмоқда, аммо менимча, вазиятдан келиб чиқиб, этиборимни жамоамга қаратсам яхши бўлади. Мен бу клубга ва жамоамга ошиқман ва ишимга иштиёқ билан қарайман. Ҳеч ким менинг иштиёқимни ва бу ерда эканлигимдан қанчалик хурсанд эканлигимни сўрамайди. Мухлисларнинг қўллаб-қувватлаётганидан хурсандман, чунки улар бизга керак. Улар муҳим", - деди Тухель клуб матбуот хизматига.
49 ёшли германиялик мутахассис "Челси" билан 2021 йилнинг январидан буён ишламоқда. Унинг қўл остида жамоа 94 та ўйин ўтказиб, 60 та ғалаба ва 19 та дуранг қайд этган.
