"Ньюкасл" "Аталанта" ва Украина терма жамоаси ярим ҳимоячиси Руслан Малиновскийга яна бир даъвогарга айланди.
Маълумотларга кўра, инглиз клуби ёзги трансфер ойнасида футболчини сотиб олиш вариантини кўриб чиқмоқда. "Аталанта" футболчи учун 20 миллион евро талаб қилмоқда. Украиналик футболчига "Тоттенхэм" ва "Ноттингем Форест" клублари ҳам қизиқиш билдирмоқда.
Аввалроқ Малиновский "Аталанта" бош мураббийи Жан-Пьеро Гасперини билан жанжаллашгани ҳақида хабар берилганди.
29 ёшли Малиновский ўтган мавсумда "Аталанта" сафида барча турнирларда 41 та ўйинда майдонга тушиб, 10 та гол урди ва 7 та голга ассистентлик қилди. Унинг клуб билан шартномаси 2023 йилнинг ёзига қадар мўлжалланган.
