"Nyukasl" "Atalanta" va Ukraina terma jamoasi yarim himoyachisi Ruslan Malinovskiyga yana bir da’vogarga aylandi.

Ma’lumotlarga ko‘ra, ingliz klubi yozgi transfer oynasida futbolchini sotib olish variantini ko‘rib chiqmoqda. "Atalanta" futbolchi uchun 20 million yevro talab qilmoqda. Ukrainalik futbolchiga "Tottenxem" va "Nottingem Forest" klublari ham qiziqish bildirmoqda.

Avvalroq Malinovskiy "Atalanta" bosh murabbiyi Jan-Pyero Gasperini bilan janjallashgani haqida xabar berilgandi.

29 yoshli Malinovskiy o‘tgan mavsumda "Atalanta" safida barcha turnirlarda 41 ta o‘yinda maydonga tushib, 10 ta gol urdi va 7 ta golga assistentlik qildi. Uning klub bilan shartnomasi 2023 yilning yoziga qadar mo‘ljallangan.