Ҳужумчи Эдинсон Кавани фаолиятини Францияда давом эттириши мумкин, дея хабар беради журналист Николо Скира.
Манбага кўра, 35 ёшли уругвайлик футболчига "Ницца" даъвогарлик қилмоқда. Француз клуби ҳужумчи билан зудлик билан шартнома имзолашга тайёр. Шу билан бирга, Кавани "Вильярреал" билан принципиал келишувга эришди, аммо испан клуби Конференция лигаси плей-офф босқичининг 25 август куни бўлиб ўтадиган "Хайдук"га қарши жавоб ўйинини кутишни сўрамоқда.
Кавани "Манчестер Юнайтед" билан шартномаси тугагани сабабли 1 июлдан бери эркин агент ҳисобланади. ОАВ Каванига "Монца", "Валенсия", "Бока Хуниорс" ва "Боруссия Дортмунд"дан қизиқиш билдираётгани ҳақида ёзди.
35 ёшли уругвайлик футболчи ўтган мавсумда "Манчестер Юнайтед" сафида барча турнирларда 20та ўйинда майдонга тушиб, 2та гол урган.