Hujumchi Edinson Kavani faoliyatini Fransiyada davom ettirishi mumkin, deya xabar beradi jurnalist Nikolo Skira.
Manbaga ko‘ra, 35 yoshli urugvaylik futbolchiga "Nissa" da’vogarlik qilmoqda. Fransuz klubi hujumchi bilan zudlik bilan shartnoma imzolashga tayyor. Shu bilan birga, Kavani "Vilyarreal" bilan prinsipial kelishuvga erishdi, ammo ispan klubi Konferensiya ligasi pley-off bosqichining 25 avgust kuni bo‘lib o‘tadigan "Xayduk"ga qarshi javob o‘yinini kutishni so‘ramoqda.
Kavani "Manchester Yunayted" bilan shartnomasi tugagani sababli 1 iyuldan beri erkin agent hisoblanadi. OAV Kavaniga "Monsa", "Valensiya", "Boka Xuniors" va "Borussiya Dortmund"dan qiziqish bildirayotgani haqida yozdi.
35 yoshli urugvaylik futbolchi o‘tgan mavsumda "Manchester Yunayted" safida barcha turnirlarda 20ta o‘yinda maydonga tushib, 2ta gol urgan.