“Бунёдкор”нинг австралиялик легионери Дэвид Карни узоқ вақт ўз терма жамоаси билан бирга бўлди.

Хабарингиз бор, Осиё қитъасида 2014 йили Бразилияда бўлиб ўтадиган жаҳон чемпионатининг 4-саралаш босқичи учрашувлари бошланган. Мусобақа олдидан австралияликлар Дания термаси билан ўртоқлик учрашуви ташкиллаштиришди. Кейин эса Уммон ва Япония терма жамоалари билан саралаш учрашувларида иштирок этишди. Дэвид Карни европаликларга қарши кечган ўртоқлик учрашувида захирадан майдонга тушган бўлса, Уммон ва Япония термалари билан тўлиқ 90 дақиқадан майдонда ҳаракат қилди.

Ушбу ўйинлардан сўнг Карни “Бунёдкор” футбол клуби ихтиёрига қайтиб келди. Футболчи клуб аъзолари билан Фарғонага йўл олган ва эртага “Нефтчи”га қарши майдонга тушишга шай ҳолатда турибди.