Халқаро майдонда бош соврин учун курашаётган "Сўғдиёна-W" жамоаси бош ҳомийси муносиб тақдирланди. Бунга ПФЛ бош директори Диёр Имомхўжаев ўз муносабатини билдирди.
"Даниэль Паттерсон Дўстлик орденига раво кўрилибди. У Жиззахнинг Пахтакор туманида фаолият кўрсатаётган Silverleafe қўшма корхонаси бош директори.
"Сўғдиёна-W" қитъа чемпионлигини қўлга киритишга яқин, деб ёзгандик кеча. Мана шу инсон "Сўғдиёна" аёллар жамоасига ҳомийлик қилади. Унинг ёрдами билан Жиззах жамоаси сўнгги икки йилда катта кучга айланди. "Севинч" ва "Бунёдкор-W" жамоаларига ҳақиқий рақобатчи бўлишида Дэн Паттерсон хизматлари катта", — дейди Имомхўжаев.
