Британиялик журналист Пирс Морган Уэйн Рунининг "Манчестер Юнайтед" ва жамоа ҳужумчиси Криштиану Роналдуни доимий танқид қилишидан норозилигини билдирди.
“Уэйн мураббий сифатида 28% ғалаба қозонган. Унинг жамоаси 0:6 ҳисобида мағлуб бўлди. Шунинг учун у "МЮ"га маслаҳат беришни тўхтатиб, Роналдуни камроқ танқид қилгани маъқул.
У биринчи ўзини эплаб олсин. Криштиану ўз даражаси бўйича ҳар доим Рунига соя солиб келган", - дейди журналист ижтимоий тармоқлардаги хабарида.
Руни аввалроқ "Юнайтед" раҳбариятига 37 ёшли португалияликни жорий трансфер ойнасида сотишни маслаҳат берганди. Бундан ташқари, Уэйн "Ливерпуль" билан бўлажак ўйинда Роналдуни майдонга туширмасликни таклиф қилди.
