"Манчестер Юнайтед" ҳужумчиси Маркус Рэшфорд жамоани тарк этиш нияти йўқлигини айтди.
14 август куни 24 ёшли англиялик футболчига "ПСЖ" қизиқаётгани ҳақида хабарлар тарқалган эди.
"Мен "Манчестер Юнайтед"га юз фоиз содиқман, мен учун бу масала ҳатто муҳокама қилинмаган. Вазиятдан қатъий назар ўзим, оилам, дўстларим ва мухлисларим учун боримни беришим кераклигини ҳис қиляпман. Мен ҳар доим “Манчестер Юнайтед”да иложи борича узоқроқ қолишни, жамоа билан совринлар учун курашишни хоҳлаганман ва хоҳлайман. Умид қиламанки, биз аввалги даражага қайтамиз, мен буни амалга оширишга ҳаракат қиламан", - деган Рэшфорд.
Рэшфорд "Манчестер Юнайтед" тарбияланувчиси ҳисобланади. 2022/23 йилги мавсумда форвард жамоанинг 2 та учрашувида қатнашиб, гол ура олмаган. Transfermarkt.com портали футболчининг нархини 60 миллион еврога баҳоламоқда.
