Испаниянинг "Валенсия" клуби "Тоттенхэм" ярим ҳимоячиси Брайан Хилни ижарага олишга жуда яқин турибди. Бу ҳақда журналист Фабрицио Романо ижтимоий тармоқларда хабар берди.
Қайд этилишича, Хил сотиб олиш ҳуқуқисиз “Валенсия”га ижарага ўтади. Эслатиб ўтамиз, испаниялик футболчи "Тоттенхэм"га ўтган йилнинг ёзида "Севилья"дан кўчиб ўтганди, аммо Лондонда керакли ўйин амалиётига эга бўлмаганди.
Ўтган мавсумнинг иккинчи ярмида Хил "Валенсия"да ижара асосида ўйнаган эди. 21 ёшли ярим ҳимоячи Испания чемпионатида “кўршапалаклар” сафида ўтказилган 13 учрашувда битта голли узатмани амалга оширган.
