"Барселона" ҳимоячиси Самуэль Умтити фаолиятини "Лечче"да давом эттиради. 23 август, сешанба куни у келишувни якунлаш учун Италияга учади, деб хабар беради Sport.es.
Аввалроқ, "Барселона" футболчининг маошини тўлашда давом этиши, лекин Италия клубидан бонус тўловларини олиши мумкинлиги ҳақида маълумотлар бор эди.
"Барселона" Умтити билан шартномани 2026 йил охиригача узайтирди ва футболчининг маошини қисқартирди.
Ҳимоячи ўтган мавсумда "Барселона" таркибида битта ўйин ўтказди. Сўнгги уч мавсумда футболчи Каталония клуби сафида барча мусобақаларда 35 та ўйин ўтказган.
Ёзда у "Ренн"га бориши мумкин эди, аммо кейин тиббий кўрикдан ўта олмади.
