"Barselona" himoyachisi Samuel Umtiti faoliyatini "Lechche"da davom ettiradi. 23 avgust, seshanba kuni u kelishuvni yakunlash uchun Italiyaga uchadi, deb xabar beradi Sport.es.

Avvalroq, "Barselona" futbolchining maoshini to‘lashda davom etishi, lekin Italiya klubidan bonus to‘lovlarini olishi mumkinligi haqida ma’lumotlar bor edi.

"Barselona" Umtiti bilan shartnomani 2026 yil oxirigacha uzaytirdi va futbolchining maoshini qisqartirdi.

Himoyachi o‘tgan mavsumda "Barselona" tarkibida bitta o‘yin o‘tkazdi. So‘nggi uch mavsumda futbolchi Kataloniya klubi safida barcha musobaqalarda 35 ta o‘yin o‘tkazgan.

Yozda u "Renn"ga borishi mumkin edi, ammo keyin tibbiy ko‘rikdan o‘ta olmadi.