"Манчестер Юнайтед"нинг янги аъзоси Каземиро инглиз клубига ўтиш пайтидаги ҳис-туйғулари билан ўртоқлашди.
"Манчестер Юнайтед"да ва Премьер-лигада янги мавсумни бошлаш имконияти ниҳоятда қизиқ. Фаолиятим давомида мен кўплаб ажойиб мураббийлар билан ишлаганман ва Эрик тен Хаг билан учрашиб, у билан суҳбатлашганимдан сўнг, мен у билан ишлашни жуда хоҳлаётганимни англадим.
Мен Мадриддаги ажойиб саёҳатимни якунлаб, Манчестерда яна бир саёҳатни бошлаяпман. Ўйинларда ғалаба қозониш, совринларни қўлга киритиш ва ушбу буюк клуб билан муваффақият қозониб, мухлисларни хурсанд қилишга қарор қилдим.
"Манчестер Юнайтед" шарафини ҳимоя қилиш - катта шараф ва мен жамоага умумий амбицияларимизни рўёбга чиқаришга ёрдам бериш учун ҳамма нарсага тайёрман", - дея Каземиронинг сўзларини келтиради "МЮ" сайти.
30 ёшли ярим ҳимоячи янги клуби билан 2026 йилнинг июнига қадар шартнома имзолади. Келишувни яна бир йилга узайтириш мумкин.
