"Manchester Yunayted"ning yangi a’zosi Kazemiro ingliz klubiga o‘tish paytidagi his-tuyg‘ulari bilan o‘rtoqlashdi.
"Manchester Yunayted"da va Premyer-ligada yangi mavsumni boshlash imkoniyati nihoyatda qiziq. Faoliyatim davomida men ko‘plab ajoyib murabbiylar bilan ishlaganman va Erik ten Xag bilan uchrashib, u bilan suhbatlashganimdan so‘ng, men u bilan ishlashni juda xohlayotganimni angladim.
Men Madriddagi ajoyib sayohatimni yakunlab, Manchesterda yana bir sayohatni boshlayapman. O‘yinlarda g‘alaba qozonish, sovrinlarni qo‘lga kiritish va ushbu buyuk klub bilan muvaffaqiyat qozonib, muxlislarni xursand qilishga qaror qildim.
"Manchester Yunayted" sharafini himoya qilish - katta sharaf va men jamoaga umumiy ambisiyalarimizni ro‘yobga chiqarishga yordam berish uchun hamma narsaga tayyorman", - deya Kazemironing so‘zlarini keltiradi "MYU" sayti.
30 yoshli yarim himoyachi yangi klubi bilan 2026 yilning iyuniga qadar shartnoma imzoladi. Kelishuvni yana bir yilga uzaytirish mumkin.
