"Манчестер Юнайтед"нинг собиқ футболчиси Гари Невилл Англия Премьер-лигасининг 3-тур учрашувида "қизил иблислар"нинг "Ливерпуль" устидан қозонилган ғалабаси ҳақида фикр билдирди.
"Бу натижа нимадандир далолат бериши мумкин... Биз "Юнайтед"дан бундай ўйинни анчадан бери кўрмаган эдик. Бош мураббий ўз футболчилари билан нимадир қилди, ўша 90 дақиқани томоша қилганимга ишонмайман. Қолаверса, "Манчестер Юнайтед" сўнгги мавсумларнинг энг яхши жамоаларидан бири бўлган "Ливерпул"га қарши чиқди", - Невиллнинг сўзларидан иқтибос келтирмоқда BBC Sport.
"Қизил иблислар" "Олд Траффорд"да "мерсисайдликлар"ни 2:1 ҳисобида мағлуб этишди.
