Лондоннинг “Челси” клубига тегишли бўлган ҳимоячи Этан Ампаду Италия чемпионатига ўтишга яқин турибди. Инсайдер Николо Скиранинг хабар беришича, 21 ёшли уэльслик футболчи "Специа" жамоасига ижарага асосида ўтишга тайёр.
Журналистнинг сўзларига кўра, Италия клуби Ампадуни 12 миллион еврога сотиб олиш имконияти билан жорий мавсум охиригача ижарага олишни режалаштирган.
Ўтган мавсумда ҳимоячи "Венеция"да ижара асосида ўйнади. Ампаду ўтган мавсум Италия А Сериясида 30 та учрашувда қатнашиб, 3 та голли узатмани амалга оширган.
