“Рома” ҳужумчиси Жастин Клюйверт фаолиятини Англия премьер-лигасида давом эттирмоқчи. Журналист Фабрицио Романо хабарига кўра, голландиялик ҳужумчи "Фулхэм"га ўтмоқчи.
Жамоа бир неча кундан бери “Рома” билан эҳтимолий келишувни муҳокама қилишмоқда, бироқ клублар ўртасида ҳозирча келишув йўқ.
Эслатиб ўтамиз, Клюйверт ўтган мавсумни "Ницца"да ижарада ўтказган ва у ерда Кристоф Галтье бошчилигида Франция чемпионатида 4 та гол ва 5 та голли узатмани амалга оширганди. Аввалроқ футболчи “РБ Лейпциг”да ижара асосида ҳам ўйнаган.
