Серхио Рамос - тўпурар марказий ҳимоячи, жонкуяр футболчи, ҳақиқий етакчи.

Фаолиятининг энг зўр даврини «Реал»га бағишлаган испаниялик муросасиз йигитнинг «қора» томони ҳам бор - у майдонда қўполлиги ҳамда ҳакамларга эътироз билдириши билан ажралиб туради. Рамос шунга яраша сариқ ва қизил карточкалардан каттагина «гулдаста» ясаган...

Goal портали маълумотлари бўйича айтсак, 21 асрда Европанинг кучли 5та лигасида энг кўп сариқ ва қизил карточка олган футболчилар рейтингини айнан Серхио Рамос бошқармоқда. Унинг пешқадамлик мавқеи дахлсиз, ҳисоби. Ҳар ҳолда, «ПСЖ» вакили ҳозирда карточка йиғиш бобида энг яқин таъқибчиси Дани Алвеш (Бразилия)ни анча ортда қолдирмоқда. Янги мавсум бошидаги ҳолатга кўра, Рамос 263та сариқ ва 27та қизил карточкага эга. Алвешнинг натижаси - 236та «сариқ» + 14та «қизил». Хуллас, ўртадаги фарқ нақ 40та карточкага тенг. Қолаверса, бразилиялик энди еврофутболда эмас. 

Яна бир факт шуки, сариқ ва қизил карточкаларни алоҳида ҳисоблаганда ҳам, ҳар икки йўналишда Рамосга етадигани йўқ.