Serxio Ramos - to‘purar markaziy himoyachi, jonkuyar futbolchi, haqiqiy yetakchi.

Faoliyatining eng zo‘r davrini «Real»ga bag‘ishlagan ispaniyalik murosasiz yigitning «qora» tomoni ham bor - u maydonda qo‘polligi hamda hakamlarga e’tiroz bildirishi bilan ajralib turadi. Ramos shunga yarasha sariq va qizil kartochkalardan kattagina «guldasta» yasagan...

Goal portali ma’lumotlari bo‘yicha aytsak, 21 asrda Yevropaning kuchli 5ta ligasida eng ko‘p sariq va qizil kartochka olgan futbolchilar reytingini aynan Serxio Ramos boshqarmoqda. Uning peshqadamlik mavqei daxlsiz, hisobi. Har holda, «PSJ» vakili hozirda kartochka yig‘ish bobida eng yaqin ta’qibchisi Dani Alvesh (Braziliya)ni ancha ortda qoldirmoqda. Yangi mavsum boshidagi holatga ko‘ra, Ramos 263ta sariq va 27ta qizil kartochkaga ega. Alveshning natijasi - 236ta «sariq» + 14ta «qizil». Xullas, o‘rtadagi farq naq 40ta kartochkaga teng. Qolaversa, braziliyalik endi yevrofutbolda emas. 

Yana bir fakt shuki, sariq va qizil kartochkalarni alohida hisoblaganda ham, har ikki yo‘nalishda Ramosga yetadigani yo‘q.