Икки дуранг ва бир мағлубият... "Ливерпуль" учун АПЛнинг старти унчалик муваффақиятли бўлмади, натижада матбуотда бир-биридан тўйган футболчилар тортиша бошлагани ҳақида миш-мишлар тарқалди. Аммо "қизиллар" бош мураббийи Юрген Клопп бундай миш-мишларни рад этиб, бундай ҳодисалардан бехабарлигини айтди.
"Бунақасини сезмадим. Ўйинчилар майдонда тортишишди ва "Манчестер Юнайтед"га қарши учрашувдан сўнг футболчилар ҳамда мураббийлар ўйиндан қониқди десак ёлғон бўлади. Лекин бу нормал. Жамоада тортишишлар ва можаролар бўлса, бизда ҳаммаси жойида, хавотир олманг", - деди Клопп "Ливерпуль" расмий сайтига.
