"Верона" ярим ҳимоячиси Адриен Тамез ёзда Италиянинг бошқа клубига ўтиши мумкин.
Foot Mercato нашри хабарига кўра, 28 ёшли франциялик футболчининг хизматларига "Рома" ва "Милан" клублари қизиқиш билдирмоқда. Футболчининг "Верона" билан амалдаги шартномаси 2024 йилнинг ёзига қадар мўлжалланган.
Эслатиб ўтамиз, 2019 йилнинг ёзида Москванинг "Спартак" клуби ўша пайтда "Ницца"да ўйнаган Тамезга қизиқиш билдирганди, аммо музокаралар боши берк кўчага кириб қолганди. Бир йил ўтиб футболчи "Верона"га кўчиб ўтганди.
Тамез жорий мавсумда барча мусобақаларда 3 та ўйинда майдонга тушди.
