"Лестер" бош мураббийи Брендан Рожерс марказий ҳимоячи Уэсли Фофанани ўринбосарлар таркибига жўнатиб юборди. The Athletic нашрининг ёзишича, "тулкилар" устози буни франциялик футтболчи машғулотлардан бирига кечикиб қолганидан кейин қилган.
Фофана ўз хатти-ҳаракати билан "Лестер"га нисбатан беэътибор эканлигини кўрсатишга ҳаракат қилди. Ҳимоячи "Челси"га ўтиш учун кўп ҳаракат қилмоқда. Кеча "тулкилар" "кўклар"нинг 80 миллион евро + бонуслар борасидаги яна бир таклифини рад этишди.
Рожерс Фофана билан боғлиқ вазият имкон қадар тезроқ ҳал қилинишини истайди. Эслатиб ўтамиз, шу ҳафта охирида "Лестер" "Челси" билан сафарда ўйнаши керак.
