Франкфуртнинг “Айнтрахт” клуби дарвозабони Кевин Трапп “Манчестер Юнайтед”дан таклиф олганини тан олди. Аввалроқ матбуотда "қизил иблислар" немис футболчисини Давид де Хеага рақобатчи сифатида кўрмоқчилиги ҳақида хабарлар тарқалган эди.
"Менга дунёнинг топ-клуби "Манчестер Юнайтед"дан ёзма таклиф келди. Кеча мен барчани “Айнтрахт”да қолишга қарор қилганим ҳақида хабардор қилдим”, — деб ёзди Трапп ижтимоий тармоқда.
Эслатиб ўтамиз, Траппнинг рад жавобидан сўнг, "Нюкасл"дан Мартин Дубравка "Манчестер Юнайтед"нинг иккинчи рақамли ролига асосий номзодга айланди.
