Италиянинг "Лечче" клуби ўзининг расмий сайтида "Барселона" ҳимоячиси Самуэль Умтитини ижарага олинганини эълон қилди.
28 ёшли франциялик футболчининг Италия клуби билан келишуви келаси йилнинг ёзигача мўлжалланган.
Ўтган мавсумда Умтити "кўк-анорранглилар" сафида битта ўйинда майдонга тушганди. "Барселона" билан олти мавсумда ҳимоячи 133 учрашувда иккита гол урди ва битта голли узатмани амалга оширди.
Эслатиб ўтамиз, Умтити Франция терма жамоаси таркибида 2018 йилги Жаҳон чемпиони ҳисобланади. Каталония клуби билан бирга футболчи икки марта Испания чемпиони ва уч марта мамлакат кубогини қўлга киритган.
