Мадриднинг “Реал” клуби ҳужумчиси Карим Бензема йилнинг энг яхши футболчиси совринини қўлга киритганидан сўнг ўз фикрларини билдириб ўтди.
“Мен жамоадошларим, мураббий ва “Реал Мадрид” президентига раҳмат айтмоқчиман. Уларсиз мен бу мукофотни олмаган бўлардим.
Менимча, Анчелотти — дунёнинг энг яхши мураббийи. Унинг қўл остида ўйнаш шарафига муяссар бўлганимдан жуда хурсандман ва у "Реал"да қолади, деб умид қиламан", - дейди франциялик ҳужумчи.
Бензема сингари Карло Анчелотти ҳам мукофотдан бебаҳра қолмади: италиялик мутахассис УEФА томонидан йилнинг энг яхши мураббийи деб топилди.
