"Бордо" ҳужумчиси Хван Уй Жо "Ноттингем Форест"га ўтишга яқин турибди.
Журналист Фабрицио Романо хабарига кўра, клублар Корея терма жамоасининг 29 ёшли футболчисининг трансфери бўйича келишиб олган. Трансфер суммаси 5 миллион еврони ташкил қилади.
Бироқ инглиз клуби футболчини “Олимпиакос”га ижарага юборади, шу боис у жорий мавсум Грецияда ўйнайди.
Хван ўтган мавсумда “Бордо” сафида барча турнирлар доирасида 33 та ўйинда майдонга тушиб, 11 та гол урди ва 2 та голли узатмани амалга оширди. Transfermarkt портали футболчининг нархини 7 миллион еврога баҳоламоқда.
