"Барселона" ҳимоячиси Самуэль Умтити ижара асосида "Лечче"га ўтди. 28 ёшли француз 25 август, пайшанба куни Италияга учиб кетди.
Янги келганни аэропортда итальян клуби мухлислари кутиб олишди. Улар Франция терма жамоаси футболчиси номини айтиб, қўшиқлар куйлашди. Футболчи интервью берар экан, қувонч кўз ёшларини зўрға тия олди.
Каталония клуби шу ёзда Умтити билан шартномани 2026 йилгача узайтирди. Transfermarkt портали ҳимоячининг нархини 2 миллион еврога баҳоламоқда.