"Ливерпуль" "ПСЖ" ярим ҳимоячиси Леандро Паредесга қизиқиш билдирмоқда, дея хабар беради Calciomercato.
Манбанинг хабарига кўра, инглиз клуби эвазига парижликларга Роберто Фирминони таклиф қилишга тайёр. Паредес ҳам, Фирмино ҳам 25-30 миллион еврога баҳоланмоқда.
Олдинроқ, "Ювентус" Паредесни сотиб олиш имконияти билан ижарага олмоқчи экани хабар қилинганди. Ярим ҳимоячининг "ПСЖ" билан амалдаги шартномаси 2023 йилнинг июнигача амал қилади. Ўтган мавсумда у 22 та ўйинда майдонга тушиб, 2 та гол ва 2 та голли узатмани амалга оширган.
Фирминонинг "Ливерпул" билан шартномаси 2023 йилнинг 30 июнига қадар амал қилади.