"Манчестер Юнайтед" яна бир бор "Аякс" ҳужумчиси Антони трансфери бўйича келиша олмади, дея хабар беради журналист Фабрицио Романо.
Нидерландия клуби манкунианликларнинг яна бир таклифини рад этди. "Аякс" таклиф қилинган 90 миллион евро етарли эмас деб ҳисобламоқда.
22 ёшли бразилиялик Амстердам клуби раҳбариятига "қизил иблислар" билан келишиб олиш илтимоси билан мурожаат қилган. Шу билан бирга, Антони вакиллари бир неча кундан буён унга Манчестер шаҳридан уй излашмоқда.
Жорий мавсумда ҳужумчи амстердамликлар сафида барча турнирлар доирасидаги 3 та ўйинда 2 та гол урди ва 2 та голли узатмани амалга оширди. Бразилиялик футболчининг клуб билан шартномаси 2025 йилнинг 30 июнига қадар мўлжалланган.