"Фиорентина" "Верона" ярим ҳимоячиси Антонин Баракни ижарага олганини эълон қилди. 27 ёшли чехиялик тиббий кўрикдан муваффақиятли ўтди.
Шартнома ўйинчини эҳтимолий сотиб олиш ёки муайян шартлар остида мажбурий сотиб олиш ҳақидаги бандни ўз ичига олади.
Барак "Верона"га 2021 йилнинг ёзида "Удинезе"дан ўтган эди. Чехиялик ярим ҳимоячи ўтган мавсумда барча турнирларда 30 та ўйинда майдонга тушиб, 11 та гол урди ва 4 та голли узатмани амалга оширди.