"Реал"нинг собиқ ҳимоячиси Марсело фаолиятини Германияда давом эттириши мумкин. Footmercato хабарига кўра, Леверкузеннинг "Байер" клуби 34 ёшли бразилиялик футболчи билан музокаралар олиб бормоқда.
Шунингдек, эркин агентга айланган ўйинчига "Ницца" ва "Монца" қизиқиш билдирмоқда, чунки унинг Мадрид клуби билан шартномаси якунланган.
Марсело - "Реал Мадрид" тарихидаги энг кўп мукофот олган футболчи. Жамоа билан биргаликда у 25 та совринни қўлга киритди. Футболчи 2007 йилдан 2022 йилгача Мадрид клубида ўйнаган. Унинг ҳисобида "қаймоқранглилар" сафида 544та ўйинда 37та гол ва 103та голга ассистентлик қилган.
