"Real"ning sobiq himoyachisi Marselo faoliyatini Germaniyada davom ettirishi mumkin. Footmercato xabariga ko‘ra, Leverkuzenning "Bayer" klubi 34 yoshli braziliyalik futbolchi bilan muzokaralar olib bormoqda.
Shuningdek, erkin agentga aylangan o‘yinchiga "Nissa" va "Monsa" qiziqish bildirmoqda, chunki uning Madrid klubi bilan shartnomasi yakunlangan.
Marselo - "Real Madrid" tarixidagi eng ko‘p mukofot olgan futbolchi. Jamoa bilan birgalikda u 25 ta sovrinni qo‘lga kiritdi. Futbolchi 2007 yildan 2022 yilgacha Madrid klubida o‘ynagan. Uning hisobida "qaymoqranglilar" safida 544ta o‘yinda 37ta gol va 103ta golga assistentlik qilgan.