"Барселона" ҳали ҳамон Жюль Кундени Ла Лигада рўйхатдан ўтказгани йўқ.
Кеча Каталония клуби футболчини Ла Лигада рўйхатдан ўтказгани ҳақида хабар пайдо бўлди, бироқ аслида бу воқеа ҳали содир бўлмади.
"Барса" футболчини рўйхатдан ўтказишга жуда яқин турибди. Клуб зарур ҳужжатларни лига вакиллари билан алмашади, уларни тасдиқлаши керак.
"Блауграна" бош мураббийи Хави Кундени эртага, 28 август куни бўлиб ўтадиган "Вальядолид"га қарши ўйин учун таркибга қўшиш ниятида.













