Испания терма жамоаси бош мураббийи ўз жамоси Евро-2012 чорак финалида Францияни мағлуб этганидан (2:0) бахтли эканини, аммо навбатдаги ўйин ҳақида ўйлаётганини айтди.

- Французлари шундай ишончли тарзда мағлубиятга учратамиз, деб ўйлаганмидингиз?

- Аслида ўйин қийин бўлди. Ҳа, Еврода осон учрашувлар бўлмайди.

- Лоран Блан барибир ҳимояга чекинди, сиз бунга ишонмаган эдингиз. Унинг бу қарорига қандай қарадингиз?

- Мен Бланнинг қарорларини муҳокама қилишни истамайман, лекин французлар ҳимояда турган бўлсаларда, ҳужумга ўтишга ҳаракат қилишди. Бензема, Рибери, кейинроф Насри Журу билан - улар индивидуал тарафдан жуда кучли ўйинчилар ва улар буни исботлашга уриндилар. Аммо биз жамоа сифатида яхши ўйнадик.

- Хаби Алонсонинг голи сиз учун сюрприз бўлдими?

- Биз уч ҳужумчи - Иньеста, Фабрегас ва Давид Сильвалар билан ўйнадик, аммо имконият туғилганда барча яримҳимоячилар ҳужумга ўтишини сўрадик. Хаби Алонсо Серхио Бускетс каби юз фоизли ҳимоячи хавбек эмас, Чехия, Аргентина каби жамоалар унинг голларини яхши эслашади. У шахсий голлар ҳисобини тўлдирганидан хурсандман.

- Сизлар ҳозир Гданьскка учасизларми ёки яримфиналгача Донецкда қоласизларми?

- Биз деярли бир ой давомида ўрганиб қолган машғулот базамизга қайтамиз. Донецкка Португалия билан ўйин арфасида ташриф буюрамиз. Бу ўйин аввалгиларига қараганда янада қийин бўлади ва бу ҳақда бугундан ўйлай бошладик.