Каталониянинг “Барселона” клуби марказий ҳужумчиси Роберт Левандовски Испания чемпионатининг 3-тури доирасидаги “Вальядолид” жамоасига қарши ўйиндаги дубли ҳақида фикр билдирди. Учрашув “кўк-анорранглилар”нинг 4:0 ҳисобидаги йирик ғалабаси билан якунланди.
Қарама-қаршилик тугаганидан сўнг, польшалик ҳужумчи ижтимоий тармоқларда голларни нишонлаётган суратини жойлаштирди ва унга қуйидаги сўзлар билан изоҳ қолдирди: "Хайрли кеч".
Дастлабки уч турда Левандовски “Барселона” таркибида 4 та гол урди.
Айни дамда "кўк-аноррангилар" Испания чемпионати турнир жадвалида учинчи ўринни эгаллаб турибди. Хави Эрнандес шогирдлари Ла Лигадаги навбатдаги ўйинини сафарда "Севилья"га қарши ўтказади.
