"Челси" "Уотфорд" вингери Исмоил Саррни трансфер ойнаси тугагунига қадар сотиб олиши мумкин.
Журналист Саймон Филлипснинг фикрича, агар раҳбарият Антони Гордоннинг “Эвертон”дан сотиб ола олмаса, у ҳолда сенегаллик футболчининг трансферига эътибор қаратади.
Аввалроқ Саррга “Астон Вилла” даъвогарлик қилганди, аммо Бирмингем клуби якунда пойгадан чиқиб кетди. Жорий мавсумда Исмоил Чемпионшипнинг 4та ўйинида майдонга тушиб, битта гол урди ва битта голли узатмани амалга оширди.
"Эвертон" Гордон учун тахминан 70 миллион евро сўрагани сабабли, Сарр "Челси" учун янада қулайроқ вариантга айланди. "Уотфорд" сенегаллик футболчини 35-40 миллионга қўйиб юборишга тайёр.
