"Челси" ва "Арсенал" клубларининг собиқ ярим ҳимоячиси Виллиан бугун "Фулхэм" билан шартнома имзолайди. Журналист Фабрицио Романонинг хабар беришича, бразилиялик футболчи тез орада тиббий кўрикдан ўтади, шундан сўнг шартнома имзолайди.
Виллиан аввалроқ “Коринтианс” билан шартномасини бекор қилган ва эркин агентга айланганди. Футболчи ёмон ўйин туфайли мухлислардан доимий таҳдидлар туфайли Бразилияни тарк этмоқчи бўлган.
Виллиан "Челси" билан икки карра Премьер-лига ғолиби. Бразилиялик футболчи клуб билан Англия кубоги, лига кубоги ва Европа лигасида ҳам ғолиб чиққан.
