Франциянинг “ПСЖ” ва Туриннинг “Ювентус” клублари ўртасида аргентиналик ярим ҳимоячи Леандро Паредеснинг трансфери бўйича музокаралар давом этмоқда. "Кекса синьора" трансфер ойнаси ёпилгунига қадар футболчини сотиб олишга улгурмоқчи.
"Ювентус" Паредесни мавсум охиригача ижарага олмоқчи. Ўз навбатида, Италия томони ўз шартини бажарса, "ПСЖ" таклифни қабул қилишга тайёр. Парижликлар шартномага Леандрони сотиб олиш мажбуриятини киритмоқчи.
Агар "ПСЖ" билан келишувга эриша олмаса, "бьянконери" эътиборини "Астон Вилла" ярим ҳимоячиси Дуглас Луисга қаратади.
