Ҳимоячи Альваро Одриосола трансфер ойнаси ёпилгунга қадар "Реал"ни тарк этиш ниятида.
AS нашри хабарига кўра, 26 ёшли испаниялик футболчи "Реал Сосьедад" билан шартнома имзолаши мумкин.
Футболчи басклар жамоасининг тарбияланувчиси бўлиб, 2018 йилнинг ёзида "қаймоқранглилар" лагерига ўтишдан олдин бу жамоада ўйнаган.
Олдинроқ Мадриднинг “Реал” клуби футболчиси билан 20 миллион евро эвазига хайрлашишга тайёрлиги ҳақида хабар берилганди.
Унинг мадридликлар билан шартномаси 2024 йилгача мўлжалланган.
Одриосола ўтган мавсумни "Фиорентина"да ижара асосида ўтказган эди. У "бинафшаранглилар" сафида барча мусобақаларда 27 та ўйин ўтказиб, 1 та гол ва 1 та голли узатмани амалга оширган.
